Poda Nauli Tu Anak & Boru Hu Di Zaman Millenium On
Asa denggan parsaoranmu dohot donganmu na humaliang di jaman millennium on maradophon dongan manang halak sileban, godang do poda nauli sian Tuhan i, jala on angka poda nauli siulahononhonmu maradophon angka donganmu:
1) Molo nungnga lobi sian dua hali missed call ho tu donganmu, unang sai datdati be. Na adong do ra siparate-atehon ni ibana na ringkot.
2) Molo adong namadabu sian meja ditingki mangan [sonduk, piring, garpu] naso panagaman ni donganmu, unang pola tatap ibana, so pola bereng i dah. Asa unang maila ibana.
3) Molo naeng mambasu tanganmu ho di wastafel umum, hape adong halak na mamakke i, unang pola paima di pudi na. Gabe busesaon ibana alani i.
4) Molo marsali hepeng, pitolot, bukku dohot lan angka na asing ho tu donganmu, tor hatop paulak andorang so di tunggu [ditagih].
5) Molo ditogihon donganmu ho mangan di lapo manang restoran, hape donganmu do na manggarar, unang pillit sipanganon naummarga sian na di ibana. Sangap ma ibana molo di pangido ho asa ibana mamillit sipanganonmu.
6) Unang dok sungkun-sungkun songon on: “Ohhh, jadi ndang dope muli/ mangoli ho?”, manang: “Jei, ndang dope adong anakmu?”, manang: “Boasa ndang manuhor jabu ho?”. Olo malengleng ate-ate na.
7) Molo ho dijolo, ho ma mambukka pintu tu jolma na adong dipudim agia baoa manang borua i.
8) Molo donganmu manggarar ongkos muna tingkion dinamardalani, tingki na asing asa ho ma manggarar ate. Unang holan donganmi manggarar.
9) Molo asing pandapot politikmu dohot donganmu, argai i. Unang sai dirippu ho, ho do na tingkos. Ai godang jolma ummalo sian ho.
10) Molo manghatai dope donganmu, unang tor dipotong ho dah, paima jo sae.
11) Molo margait-gait ho tu donganmu, hape ndang lomo rohana, unang datdati amang/ inang asa unang hassit rohana.
12) Dok “mauliate” manang tu ise pe namangurupi ho.
13) Boi do panggaron dongan di na torop, alai molo laho pasingothon do, uli mai di na buni.
14) Molo adong donganmu mokmok, unang pola dok tu ibana.
15) Molo pas mar-bus dipardalanan na dao, jolo martapian ho, asa unang sogo roha ni jolma na di hambirang manang siamunmu.
16) Molo adong donganmu patuduhon photo di HP na tu ho, unang paorot dah, atik adong photo na so siberengonmu disi.
17) Sangap baen donganmu songon ho tu CEO tung pe pangkatna holan OB.
18) Molo manghatai dope donganmu tu ho, unang sai masitongkin bereng HP mi.
19) Molo mamereng HP dope donganmu, unang attoi jo ibana. Atik adong na ringkot sibalosonna.
20) Unang mambaen sada sangkap hamu, hape adong donganmu disi na so togihonon muna.
21) Molo dilehon donganmu sipanganon tu ho, dok mauliate tung pe ndang dijalo ho. Sotung tulakhonmu sipanganon ia ndung didai manang dianggo ho.
22) Molo adong donganmu manuhuthon sahit na, unang tor sahitmu tong dishuhuthon ho.
23) Unang pola umma pese-pese [bayi] ni halak, atik ndang lomo rohani natua-tuani i alani musemi, badakmi, gincumi manang farfummi.
24) Unang olo ho martongkar di Facebook manang medsos na asing. Gabe diboto donganmu parangem.
25) Manat unang tartuk-tuk, nanget unang tarombung. Jolo rimangi andorang so diulahon ho.
26) Jolo ni dilat bibir asa ni dok hata. Andorang so ni dok hata, jolo nilapatan.
27) Pitu Batu martindi, sada sitaon na dok-dok. Unang tung manghirim asa diurupi donganmu ho.
28) Jujur mula ni bada, bolus mula ni dame. Unang pola pajojor jala ingot sala ni donganmu, pabulus ma [lupakan] asa dame jala neang langkam.
29) Jolo tiniptip sanggar bahen huru-huruan, jolo sinungkun marga asa binoto partuturan.
30) Patoru roham Amang/ Inang.
Written By: Manirutua Simanullang, ST [TDS16]. 16 August 2019.
