Songonon ma udut ni ulaon Marindahan Sipaet-paet, Mangapuli, Manogar-nogari manang Manghata-hatai.
Alai andorang ta bereng udut na, asa nipatorang jo saotik dia do imbar na:
Marindahan Sipaet-paet: ima molo mate matipul ulu manang mate matompas tataring.
Mangapuli: molo mate mangkar
Manogar-nogari: ima molo mate sari matua.
Manghata-hatai: ima molo mate saurmatua.
Somal na ndang pola adong imbar ni ulaon i.
Alai holan di na mandok hata, ende dohot jamita do na marimbar.
Jadi songonon ma udut ni ulaon na hupatupa hami molo masa angka habotniroha songon na husurathon hami di ginjang:
A. Marsipanganon.
1. Hata Huhuasi:
2. Molo adong do dipatupa sipanganon, parjolo ma marsipanganon. Tabo pe sipanganon na diboan I, tong do paet i dihilala hasuhuton i.
3. Na ro ma na mambahen tangiang mangan.
4. Hasuhuton ma parjolo mangan. Somal na, na ro ido paradehon sipanganon tu Hasuhuton i.
B. Manghatai.
1. Hata Huhuasi:
2. Marende: sian KJ, BE manang suplamen.
3. Tangiang Pamuhai: sian na ro
4. Marende:
5. Mandok Hata:
- Bere: Ama & Ina.
- Boru: Ama & Ina.
- Namardongan Tubu:
- BPH Ni Punguan:
- Pasahat Ilu Manetek manang AD ART.
6. Marende:
7. Mangampu Hasuhuton.
8. Marende:
9. Jamita: sian Sintua manang Pandita.
10. Tangiang Panimpuli & Ale Ama Nami.
Songoni ma saotik taringot tu ulaon sisingoni.
Mauliate 🙏
4.
